ગાંધી !
ગાંધી પોઢ્યો રે તારી રે સમાધિમાં ,
...અહીં દોડે છે બધાં પોતાની ઉપાધિમાં !
કોઈ હિંદુ તો કોઈ મુસ્લિમ,શીખ,ઈસાઈ,
...તને ગમતાં તે અહીં નથી ભાઈ-ભાઈ !
હિન્દુસ્તાની તને ગોત્યો નહીં જડે,
...પડીશ માં તું હવે બાપુ નવી વ્યાધિમાં !
અસત્યે પહેર્યું જો ને સત્યનું મહોરું ,
...પાપી-પ્રપંચી-કપટીને અહીં છે લે'રું !
ખુરશી સુધી પહોંચવાનો તું છે રસ્તો,
...ધોળી ટોપી વાળાએ કરી દીધો સસ્તો!
સત્યવ્રત અહીં તને જોવા નહી મળે,
...ખોવાઈ જતો નહી તું કોઈ આધિમાં !
ગોડસે એ મારી 'તી ત્રણ જ ગોળી,
...અહીં ધોળે દહાડે ખેલાય રક્તની હોળી !
તારી સાદગીને તારું આચરણ હવે,
...ગરીબોના આંસુઓમાં અમે દીધું બોળી !
સત્યાગ્રહ -હઠાગ્રહ બન્યો છે અહિંયા,
... 'કાન્ત'તું પડયો રે તારી રે સમાધિમાં !
***
-'કાન્ત'
