અલવિદા 2014 !
2014 મારા અને તારા વચ્ચેની,
ઓળખાણ હતી તો એક વર્ષની !
પણ ચિરસ્મરણીય !
કહે છે સમયને કોઈ રોકી શકતું નથી,
મારે તો તારી સાથે 365 દિવસ
જીવવાનું હતું.
જે મેં જીવી લીધું .....!!!
હું જયારે જયારે જ્વાળામુખી પર બેઠો,
ત્યારે તેં મારી ભીતર શીતળ લેપ કર્યો.
તારી સંગાથે હું કુંજગલીઓમાં ફર્યો!
તારી સાથે ગાળેલો સમય ,
ઉકેલી શકયો હું જીવતરના પ્રમય !
તારો અને મારો સંબંધ ,
દુઃખ અને સુખનો સાથે રહેવાનો પ્રબંધ!
તેં મને ડંફાસ મારતાં અટકાવ્યો ,
અધવચ્ચે કયારેય ન લટકાવ્યો !
2014 ,મારી પ્રેમિકા 'કવિતા' સાથે
તેં રોજ મુલાકાત કરાવી,એને બિલકુલ
ન રડાવી !
મિત્રો સાથે 'વિચાર ભેદ'થયાં ,
પણ તારી સમજણે 'મનભેદ'થતાં રહી ગયાં !
તારી સાક્ષીએ મેં મારો 'આનંદ'ખોયો ,
મૃત્યુને અટહાસ્ય કરતાં જોયો !
તેં મને ઉત્તમોત્તમ ઘણું આપ્યું,
અને તારા રાજ્યમાં મેં ઘણું સાંખ્યું !
2014,તું મારો સાચો મિત્ર બનીને રહ્યો,
મારો અણગમાનો ભાર પણ તેં જ સહ્યો !
દોસ્ત! આજે તને અલવિદા કહું છું,
મનમાં ને મનમાં વિરહને સહું છું !
2015 તને મળે તો એને કહેજે,
મારો આ સંદેશો પહોંચાડજે !
આજે વહેલી સવારે 'કાન્ત'ને
મળી આવી છે એક નવજાત કવિતા,
જે એના પર લખાયેલી છે !
***
-'કાન્ત'
