કવિતા !
કવિતા....મારા જન્માક્ષરનાં
બારે -બાર ખાનામાં સજીવ !
એનું હોવાનું સુખ અશ્વત્થામા
જેવું ચિરંજીવ !
એ મને કયારેય હાથતાળી દઈ
છટકી ન શકે !
હું કવિતા માટે..કવિતા મારા માટે,
પાછલી રાતે આવેલું સપનું પણ ,
કાફિયા..છંદ થઈને ગોઠવાય !
એની સાથે દોસ્તી બાંધી છે
ત્યારથી પુષ્પો મને ગમવા લાગ્યા છે !
હું કવિતાના ગળચટ્ટા થપથપાટને ,
સ્પર્શ્યા કરું છું !
કવિતા સાથે ભીતરમાં ભીની
મહોબ્બત થઈ ગઈ છે મારે !
એ કોઈ દિવસ ડંફાસ મારતી નથી,
દેખાડો કરતી નથી ,
બસ છવાઈ જાય છે ચોતરફ !
કવિતા છેલ્લા શ્વાસ સુધી મારી સાથે ,
રહે......સહે ....... વહે.....કહે
કવિતા મારો Love -affair !
***
-'કાન્ત'
No comments:
Post a Comment