સ્પર્શ !

મા !

...ફિલ્મ અગ્નિપથમાં એક દ્રશ્ય છે.જેમાં પોતાના માના હાથની રસોઈ 

જમવા ઘરે આવેલા અમિતાભને જમવાનું શરુ કરતા પહેલાં તેની મા 

(રોહિણી હટંગડી) ટપારે છે.'પહેલે હાથ ધો લે....'એ અલગ વાત છે કે 

તેની માતા તેના દીકરાના ગુનાખોરીથી ખરડાયેલા હાથ ધોવા માટે કહેતી 

હોય છે.બાકી યુવરાજ (ક્રિકેટર)ની માતા તો યુવરાજને વિદેશ જતી વખતે 

સલાહ આપતી કે,'બેટા જમતાં પહેલાં હાથ ધોઈ નાખજે !'કારણ.....કારણ 

માત્ર એટલુંજ કે યુવરાજ ભાણું જુએ તે સાથેજ પોતાની ધીરજ ખોઈ બેસે છે,

અને રમીને ગંદા થયેલા હાથ ધોવાની ફિકર કર્યા વગર જમવા બેસી જાય છે.

...યુવરાજને જમતા પહેલાં હાથ ધોવાની સલાહ આપતી શબનમ હોય કે 

મહમ્મદ કૈફની ચિંતા કરતી તેની અમ્મા....મા આખિર મા હોતી હૈ !યાદ કરો 

ઇંગ્લેન્ડના લોર્ડસના મેદાન પર ઐતહાસિક વન-ડે જીત્યા પછી શર્ટ ઉતારીને 

ધજાની કે ધ્વજની માફક લહેરાવનાર સૌરવ ગાંગુલી મેદાનમાં આવીને 

ભારતને વિજય અપાવનાર મહમ્મદ કૈફ પર કૂદે છે. સૌરવે મરેલા કૂદકાને 

કારણે મહમ્મદ કૈફ પોતાનું બેલેન્સ ગુમાવી બેસે છે અને જમીન પર ફસડાઈ 

પડે છે.આ દ્રશ્ય કૈફની માતા ટી વી પર જુએ છે અને એવોર્ડ સેરીમની પતી 

ગયા પછી ફોન કરી તેના લાડલાને પૂછે છે ,'બેટા,તને વાગ્યું તો નથીને ?

અને હા,જરા સૌરવને ફોન આપ.'ગાંગુલી ફોન પર આવે છે અને મા પૂછે 

છે,'તને કૂદવા માટે મારો દીકરો જ મળ્યો???

                                                ***