------------------ગીત -------------------
વાસંતી વાયરાની વાત મને સમજાઈ ગઈ ,
સહેજ અડી લહેરખી મુજમાં જો સમાઈ ગઈ!
............... લાવી મને વાળીને..................
.................ઓરતાં પલાળીને...................
.................એ તો મને ભાળીને.................
.................ચલતી સંભાળીને.................
પગલાં પાળીને પાળ કરતી'તી ત્યાં તો જો,
વસંત તારી રુમઝૂમતી ચાલ પકડાઈ ગઈ!
.................જોઉં તો આંખ ઠરે.......................
.................ચાલું તો ભોંય અડે.....................
.................જાતને સંભાળું તો.....................
.................પાલવ શિરેથી સરે.......................
ઘૂંઘટ કાઢીને વાત કરતી'તી ત્યાં તો કેવી એ,
લટકાળી જાત જુઓ એકદમ ઓળખાઈ ગઈ!
..................ઊગતા પરોઢમાં જો......................
..................પંખીઓના સૂર ગૂંજે.......................
..................કોકિલાના કંઠેથી તો.......................
...................કુહુ -કુહુ બોલ દૂજે જ .....................
શમણાં ઓઢીને એ સૂતી'તી ઢોલિયે ત્યાં તો એ,
કુદરતમાં જોને ચારે બાજુ કેવી પથરાઈ ગઈ !
...................બહાના તો બહુ કર્યા.........................
...................છાનાં છપનાં ફળ્યાં ..........................
...................તોરણીયા ભાળીને ..........................
....................હૈયાં હરખથી ભર્યાં............................
કમર લચકાવીને રાસ રમતી 'તી ચોકમાં ત્યાં ,
'કાન્ત'વરણાગી ગીતોએ એ તો છલકાઈ ગઈ!
===============================
કૃષ્ણકાંત ભાટિયા 'કાન્ત,
++++++++++++++++++++++++++++++++
No comments:
Post a Comment