ગીત 

સખી,હું તો જોઉં મેઘાની વાટ,
...ઓણ સાલ જોયા નથી એના થાટ !

વ્હાલો રિસાણો છે કેમ,ન જાણું,
...હું તો એના ને મારા નાતાને પિછાણું !

સખી, હું તો માટીના ઘડું ઘાટ,
...એ ભીંજવશે મારા પાકેલા માટ !

વ્હાલો,રોકાણો છે ક્યાં ,ન જાણું,
...મોકલું  છું રોજ મારા ઘેરથી ભાણું !

સખી,હું તો સૂઈ રહું સાદે પાટ ,
...એના માટે સજાવ્યાં હિંડોળાખાટ !

વ્હાલો સમાણો છે ત્યાં છે  કાણું,
...વરસીને ભરશે એ જગનું તરભાણું!

સખી,હું તો સહી લઉં માર-સાટ ,
...'કાન્ત'  પ્રેમને ન લાગે ક્યારે કાટ ! 
-------------------------------------------
-કૃષ્ણકાંત ભાટિયા 'કાન્ત'
-------------------------------------------