helmet
આજે વહેલી સવારે
મારા 'helmet' પર
બેઠેલી ચકલી બોલી ઊઠી !
'કહે...જોઈએ કવિ,
તારા આ માથામાં માળો બાંધી શકું?
આ શિરછત્ર નિર્જીવ હોવા છતાં,
એના પર કેટલો ભરોશો છે તને !
એને ધારણ કરીને તું,
ધૂમ 'style' માં બાઈક ચલાવી શકે છે !
જયારે તું તો સજીવ છે,
મારી જેમ બે જીવવાળો !
હું તારા પર ભરોશો મૂકી શકું?
તારા આ શિર રક્ષકમાં ઈંડાં મૂકી
હું બિન્ધાસ ઊડી શકીશ આકાશમાં !'
હું તો સ્તબ્ધ થઈ જોતો રહ્યો
સાંભળતો રહ્યો એ ચકલીને !
અને ત્યાં તો ચકાભાઈ
ચાંચમાં તણખલું લઈને આવ્યા
મારા 'helmet' માં એને મૂકી
માળો બાંધવાની શરૂઆત કરી !
મારું હૈયું ચકા-ચકીની મધુર,
ચીં ... ચીં......થી છલકાઈ ગયું!
***
-'કાન્ત'
No comments:
Post a Comment