આરોપી  !

આંખમાં   છુપાયો   છે  આરોપી,
નજરથી  ઘવાયો   છે  આરોપી.

અઘરું છે ,જાતને સાબિત  કરવું,
ઈશુ  પણ કહેવાયો  છે આરોપી.

લાગે  કે  નિર્દોષ  છૂટી  જવાનો ,
દલીલોમાં  ફસાયો  છે  આરોપી.

અફવા  ફેલાઈ છે  કે સજા  થશે ,
તારીખમાં અટવાયો છે આરોપી.

કારણ  વિના  ફસાયો  ઝાળમાં,
લોકજીભે  ગવાયો  છે આરોપી.

એની તરસ હોઠ સુધી ન આવી,
મૃગજળમાં છવાયો છે આરોપી.

શબ્દને  ઘાયલ  કર્યા કલમથી,
'કાન્ત'માં  સમાયો છે  આરોપી.
                   ***
-કૃષ્ણકાંત ભાટિયા 'કાન્ત '
'સત્યમ વિલા ',પ્લોટ.નં. 155/2,
સંસ્કારનગર ,ભુજ.
મો. 99090 71588