*વિક્રમ સંવત  2076માં  તમને આટલું જરૂર પ્રાપ્ત થાવ *

                           નૂતન  વર્ષાભિનંદન  ! 

શુદ્ધ હવા,લેવી  ન પડે દવા, તટસ્થ છાપું,પવિત્ર  બાપુ,
      નવી ચમચમતી કાર,રહો ના બેકાર,નૂતન વિચાર,
સ્વપ્ન   થાય    સાકાર,  બધાંનો   પ્રેમ,  ન રાખો વહેમ 
      કવિની    મિત્રતા,     જળવાઈ     રહે      પવિત્રતા,
સંગીતના સૂર,   હેતના ઘોડાપૂર , આધુનિક મોબાઈલ 
       અટકે ના ફાઈલ ,ફેસ બુક ફ્રેન્ડ,આંગણે વાગે બેન્ડ 
કોમેન્ટ પર મળે લાઈક ,ધૂમ-3 ની બાઈક ,ચાહતનો સંગ 
        શિવરાત્રીએ  ભંગ ,જોરદાર સાસુ,આવે ન આંસુ.
સાસરામાં સાળી ,     વાનગી ફરાળી,   એકાદ બંગલો 
        ટૂંકો ન પડે ડગલો,ચારે બાજુ  વાહવાહ,સાચી સલાહ.
શાકમાં ડુંગળી,   વાગે    રોજ   ભૂંગળી,   કરંસી  નાણું 
        સ્વાદિષ્ટ ભાણું, પીઝાનો ટેસ્ટ, બધું મળે બેસ્ટ.
કલબલતી   સવાર,   સત્યનો  વહેવાર,મધુર વાણી ,
        બિસલેરીનું   પાણી,   છાપામાં    આવે     ફોટો,
રોજ તમને ગોતો,પરિવારનો સંગ, ભાર અંગે અંગ !
                                     ***