હઝલ 

એ  તરત જ  આવશે, મોટો  ભા બનાવો,
બધાં  કામ  કરશે,   મોટો    ભા  બનાવો.

ભલે  રાત'દિ  એ  દૂધ,માવા  ગટગટાવે ,
ખાટી    છાશ  પીશે,   મોટો  ભા  બનાવો.

મૂકી  કાર   એ સી ,નથી  એ પગ ભરતો,
ગધેડે  ચડશે-સવારી ,મોટો ભા બનાવો.

ન  મારજો  કદીયે  છરી  તલવાર ચપ્પુ,
જીવતર  ઝેર   થાશે ,મોટો  ભા બનાવો.

અહિંસાના   ભાષણ  ભલે  કરતો રહેતો, 
ઊભા  એ   વેતરશે,   મોટો ભા બનાવો.

મૂકી  પુષ્પ -ડોલર - ચમેલી   ને  ચંપો,
ધતૂરા  ચૂંટશે ,    મોટો    ભા    બનાવો.
                          ***
મૂળ  કચ્છી  રચના 'વડો ભા ભનાયો '
કવિ પબુ ગઢવી 'પુષ્પ '
ગુજરાતી અનુવાદ:
-કૃષ્ણકાંત ભાટિયા 'કાન્ત '