ગીત 

ભેગું  થયું  છે આજે  આખું  ગામ !
પાડવું  છે  એનું  અત્તરીયું  નામ !

પાદરે  હનુમાનજીની  નાની દેરી,
એની  સામે  પડઘાતી   રોજ શેરી.
ઠાકરમંદિરમાં  ત્રીક્મજીના  ધામ !
                                         0ભેગું...
પનઘટ પર ચૂંદડીઓ ચોવટ કરે,
જાતે લહેરાઈને તાંબાની હેલ ભરે.
મારગની કેડી પર પગના વિશ્રામ !
                                          0ભેગું...
પૂનમની રાતનો જ્યાં ચાંદો  ખીલે ,
રમવાના ઓરતાં  ઝૂલણીએ  ઝૂલે. 
કામદેવ ઘાયલ;યૌવનના  દમામ !
                                          0ભેગું...
સંધ્યાના  સંગાથે  ઝાલરીયું  વાગે,
કામ, ક્રોધ, મોહ, મત્સર  દૂર   ભાગે.
નાદમાં  છૂટી જાય જો; ભેદ તમામ ! 
                                          0ભેગું...
વારી વારી જાઉં;હું  બલિહારી જાઉં,
રોટલો- છાસ-ડુંગળીની પાડ  ખાઉં. 
ભરેલું  તળાવ  છે 'કાન્ત'નું  હમામ !
                                           0ભેગું...

                      ***
-'કાન્ત'