ગઝલ 

કીડીને  કણ ,ને હાથીને  મણ  હશે,
રેતી  ચોતરફ, નક્કી  એ રણ  હશે !

પેટ  દીધું   છે   જો  પરવરદિગારે ,
કંઈક  તો   અહીં  એનું  ભરણ  હશે !

છમ્મલીલું ઘાસ  ઊગ્યું  છે  ભીતરે,  
મન   મહીં ઝમઝમનું  ઝરણ  હશે !

ઝંપલાવી દે બેધડક ભવસાગરમાં,
અથાગ  જળ  છે, તો   તરણ   હશે !

છોડ કાશી ને  છોડ તું  હવે કાબાને,
એક   છેડે  જન્મ  ,બીજે મરણ હશે !

રામ દોડે છે બેબાકળા પંચવટીમાં ,
એમની આગળ સોનાનું હરણ હશે !

એકાએક  ડૂબવા  લાગ્યો  તરવૈયો,
છુપાયેલું  'કાન્ત' કોઈ  કળણ  હશે !

                         ***
-'કાન્ત'