ગીત  !

મુંકે   પનઘટ   તેં  નંધલાલ   મિલી  વ્યો  રે,
મુંજી  આખિયેં  મેં , છિલોછિલ  છિલી  વ્યો રે. 

કકરી   મુંકે   મારેં ,  ભવોભવ    વ્હાલે  તારેં, ,
મુંજે  ધિલ  મેં  અચી , લાલો  ખિલી  વ્યો  રે.

સૂર   સેં   જાધુ    કરી,   હિયે   મેં  પ્રેમ  ભરી,
સુધ  -બુધ - કાનો -   મિડ઼ે ,   ગિની   વ્યો  રે .

બંસરી   વગી   જડેં , સુર -  નર  આયા  તડેં ,
મુંકે    રૂરાય    ને    નટખટ ,   સિરી  વ્યો  રે.

રાસ    રચાયેં    વાલે ,   ગોપીયું     કોઠાયેં,
ખિલધે      ખિલધે    વાલો ,   ભજી  વ્યો  રે.

નેરી   મીં    જી   હેલી, આઉં   થઇ  સેં  ઘેલી, 
મિણી   હંધ - પાલરપાણી  -  ટિલી   વ્યો રે. 

'કાન્ત 'જો   સ્વામી, હરિ   આય  અંતર્યામી ,
 હુભ    સેં    કાનુડે   જી , જીવ  તરી  વ્યો  રે.
                           ***
-કૃષ્ણકાંત ભાટિયા 'કાન્ત '