ગઝલ  !

મતારા  લગેંતા , અખર  અજ  અસાંજા ,
છડીને   ભજેંતા ,  સખર  અજ  અસાંજા.

ખિલોં   તા  ત   ચેંતા,  કર્યો  તા   વડાઈ,
ઉડામે    ઊડેંતા ,  પડર   અજ  અસાંજા.

ગરીભી    ડિઠી   મૂં , પુ ઠેં    તેં  વિઠી  સે,
સુકી  નેં  અચેંતા , પઘર  અજ  અસાંજા.

ભલેં  ભા  ,  અચીજા    રસાલો   ખણીને ,
હિતે  તાં  વસેંતા , વડર  અજ  અસાંજા.

ભકાલો     ઉગાયો,   કઈ    ખેડ   નામી ,
ભલેં  નેં  ચરેંતા , ગજર  અજ  અસાંજા.

કુરો  થ્યો  ?  વિનોતા   છડીને   અસાંકે ?
રુંગા  એ  ઘરેંતા , અમર  અજ અસાંજા.

ઉધામા   ઉથેં  તા ,  ભલે  પે    અચીજા, 
ખિલે  મેં  ખિલેંતા ,ખબર અજ  અસાંજા. 
                         ***
-કૃષ્ણકાંત ભાટિયા 'કાન્ત '