મીં  અચેતો  !

પુસજા   ભલા  ધિલ  ભરે, મીં  અચેતો,
કારાયલ  કળા  કરે , સીમ  મેં  નચેતો.

ધરા  સજી   કે  ખેડી , ખેડુ  થ્યો  રાજી ,
માલિક ,સુધારે  ડીજ , અસાંજી  બાજી.

મુલક  મેં  રાજીપો, રાજી થઇ  મચેતો,
પુસજા  ભલા  ધિલ  ભરે ,મીં  અચેતો.

વિજે   બિજ   નેં  થીયે  વિજ  અભ  મેં,
ભરોસો આય ,ખેડુ   કે   ઇનજે રભ  મેં.

કામાય કીં  જો  કીં નેર્યો  અજ઼ નચેતો,
પુસજા  ભલા  ધિલ  ભરે, મીં  અચેતો.

ધરા  કંધી   ધાંઈ ,  કળશિયું  ભરે  ને,
મોજ  થીંધી તરા જે  પાણી મેં  તરે ને.

ઇંધર ,'ઇંધર લઠ 'સત રંગ મેં રચેતો,
પુસજા  ભલા ધિલ  ભરે, મીં  અચેતો.
                      ***
-કૃષ્ણકાંત ભાટિયા 'કાન્ત'