ગીત 

તારા  કાનમાં  કહું ,એક વાત ઝમકૂળી ,
દિવસ  રહ્યા   છે  હવે  સાત , ઝમકૂળી.

વાડ  લીલી ,વાડે  ઊગ્યાં  છે  ઓરતાં ,
રૂમઝૂમ  કરતાં  આવે મા  ના  નોરતાં.
બોલાવી લઉં,ઝટપટ , નાત ઝમકૂળી.
                                           0દિવસ 
મેંદી  મૂકાવી  લે  હવે  મારા  નામની,
હાથની  આ  રેખાઓ  ,છે શા  કામની ?
જો ને  થઈ  ગયું  છે પ્રભાત ઝમકૂળી .
                                           0દિવસ 
ઊડે કાબર , ઊડે ચકલાં ,બોલે   મોર,
મીઠો-મીઠો  લાગે ,  એમનો  કલશોર.
શાને  કાઢે  છે  આજે તું દાંત ઝમકૂડી  ?
                                          0દિવસ 
આંખોમાં  હોય એને  સપનું  કહેવાય,
નેણનાં  નીર   તો   એકલા   પીવાય .
રચી લે  દલડામાં ,તું  ભાત  ઝમકૂડી .
                                          0દિવસ 
                        ***
-કૃષ્ણકાંત ભાટિયા 'કાન્ત '