ગઝલ
નદી હોય કે દરિયો , તરવું મને ગમે છે,
મોસમ હો માતબર તો, ફરવું મને ગમે છે !
દશે દિશાઓ ચાલે , હાથ પકડીને હમેશાં ,
ચડવાની કોશિશ સાથે, પડવું મને ગમે છે !
સફેદ રણની રેતી, માદક સ્પર્શથી ભરેલી,
ધવલ ચાંદની રાતે, મળવું મને ગમે છે !
હસવું પડે છે હરદમ, ખુશી દેવા ક્ષણોને,
વેરાન સમયના ખભે,, રડવું મને ગમે છે !
ટકોરા પડે જયાં , સદનના બંધ દ્વાર પર,
સનમના હોઠો પર ,સળવળવું મને ગમે છે !
હદથી વધારે જાગવું , લખ્યું છે લલાટે,
પગરવના આ રવ ને, કળવું મને ગમે છે !
જાણું છું મારી જાત ને ,'કાન્ત ' સારી પેઠે,
સાકરની જેમ દૂધમાં, ભળવું મને ગમે છે !
***
-કૃષ્ણકાંત ભાટિયા 'કાન્ત '
નદી હોય કે દરિયો , તરવું મને ગમે છે,
મોસમ હો માતબર તો, ફરવું મને ગમે છે !
દશે દિશાઓ ચાલે , હાથ પકડીને હમેશાં ,
ચડવાની કોશિશ સાથે, પડવું મને ગમે છે !
સફેદ રણની રેતી, માદક સ્પર્શથી ભરેલી,
ધવલ ચાંદની રાતે, મળવું મને ગમે છે !
હસવું પડે છે હરદમ, ખુશી દેવા ક્ષણોને,
વેરાન સમયના ખભે,, રડવું મને ગમે છે !
ટકોરા પડે જયાં , સદનના બંધ દ્વાર પર,
સનમના હોઠો પર ,સળવળવું મને ગમે છે !
હદથી વધારે જાગવું , લખ્યું છે લલાટે,
પગરવના આ રવ ને, કળવું મને ગમે છે !
જાણું છું મારી જાત ને ,'કાન્ત ' સારી પેઠે,
સાકરની જેમ દૂધમાં, ભળવું મને ગમે છે !
***
-કૃષ્ણકાંત ભાટિયા 'કાન્ત '
No comments:
Post a Comment