ગઝલ
નથી આપતો જવાબ, જા થાય તે કરી લે,
તું છો ને હો નવાબ, જા થાય તે કરી લે !
તારું ગજું શું કે તું હથેળીમાં ઉતારે ચાંદને,,
હું ઉતારું છું આફતાબ ,જા થાય તે કરી લે !
ફૂલ નહિ તો ફૂલની ખુશ્બુ સમી આ ગઝલ ,
એવો છે મારો રૂઆબ ,જા થાય તે કરી લે !
તહોમત છે મારા ઉપર કવિતાની લૂંટનો ,
ખોટા છે સજાના ખ્વાબ ,જા થાય તે કરી લે !
ગઝલના રદીફ જેવો બેઠો છું અંત ઉપર,
કાફિયાનો છે મિજાજ, જા થાય તે કરી લે !
જિંદગીના રણમાં ઊભો છું હું રણ વચાળે ,
હણાશે મારો વિષાદ , જા થાય તે કરી લે !
સૂરીલા સૂરો નીકળે છે 'કાન્ત 'ની કલમમાં,
હું પોતે જ છું રબાબ ,જા થાય તે કરી લે !
--------------------------------------------------
-કૃષ્ણકાંત ભાટિયા 'કાન્ત'
=========================
No comments:
Post a Comment