ગીત !
આજ મારા સૂરમાં સારંગ
..........................રાગ છેડું !
માડી તને મોકલું છું હું તેડું !
ઢોલ નોબત વાગે છે ચોકમાં,
રાસ રમવાની ઝંખના પૂરી.
શરમાતી સહિયર ને સાચવું,
નથી રાખવી હવે કોઈ દૂરી !
આભ મહીં રમતાં તારલાને ,
............................ભાગ વેડું !
માડી તને મોકલું છું હું તેડું !
છંદ મહીં ઘૂંટું હું મારી જાતને,
નથી સાંભળવી બીજી વાતને !
કમખામાં બાંધુ હું વનરાવન,
પડખે લઉં આ માઝમ રાતને !
ગબ્બરના ગોખના અજવાળે ,
..............................માંગ બેડું !
માડી તને મોકલું છું હું તેડું !
----------------------------------
-કૃષ્ણકાંત ભાટિયા 'કાન્ત'
====================
No comments:
Post a Comment