ગાંધી

કોણ જાણે  કયા ખૂણે રડતો હશે ગાંધી,
પોતાની  નજરમાં  પડતો  હશે  ગાંધી.

ગોડસેએ  તો  ગોળી ધરબી  છાતીમાં,
પળ-પળ નિજ મહીં મરતો હશે ગાંધી.

સત્ય-અહિંસા,સાદગી દેખાય છે  કયાં ?
નજર  પર  નેજવાં ધરતો  હશે ગાંધી.

આજે  રાજઘાટ પર  નેતાઓને  જોઈ,
સમાધિમાં પડખા બદલતો હશે ગાંધી.

એના ત્રણ વાંદરા  કૂદાકૂદ કરે ને રડે,  
પુષ્પોની  ચાદરે  કણસતો હશે ગાંધી. 

શું   હાલ  કર્યા  છે  શાસકોએ  દેશના ,
સૂટ ને  ખાદીને મૂલવતો  હશે ગાંધી.
                         ***
-કૃષ્ણકાંત ભાટિયા 'કાન્ત'
'સત્યમ વિલા ,પ્લોટ નં। 155/2,
સંસ્કારનગર,ભુજ-કચ્છ. 
મો.99090 71588