દિવાળી  છે !

રંગોળી  સજાવો , આજે   દિવાળી   છે,
દીવડા  પ્રગટાવો  આજે,  દિવાળી  છે !

હોઠ   ઉપર   સળવળે   મધુરાં  ગીતો,
તમસ ને   ભગાવો, આજે દિવાળી છે !

શ્રદ્ધા  તમારી  લઈ  જશે  નૂતનતામાં,
દાનવને  હરાવો, આજે   દિવાળી  છે !

અમાવસ્યાની  રાત પસાર થઈ  જશે,
લક્ષ્મીને પધરાવો,આજે દિવાળી  છે !

ફટાકડા ફોડો ,ખૂબ આતશબાજી કરો,
દીનને  હરખાવો, આજે  દિવાળી  છે !

હૃદયમાં  વસી સંવેદનાઓ  બોલાવે,
સૌને ઉરે  લગાવો,આજે દિવાળી  છે !

રંગ-નવરંગ -પ્રેમ ,નીતરે નયનોથી,
'કાન્ત'ને  બોલાવો,આજે દિવાળી છે !
                       ***
-'કાન્ત'