ગઝલ 

તડપે  છે  માઝમ  રાત, કહો  તો  બારણું  ખોલું,
થઈ  જશે  હમણાં પ્રભાત, કહો તો બારણું ખોલું.

આવું  અજવાળું  ઊગ્યું  છે આજે  મારા આંગણે,
કરી ન જાય અંધારું ઘાત ,કહો તો બારણું ખોલું. 

કેટલું  તોફાન   ઉમટ્યું  છે,  રક્તવાહિનીઓમાં,
ઈશ્કનો  જોરદાર પ્રપાત,કહો  તો બારણું ખોલું.

હદથી વધી  ગઈ છે  સનમ  હવે  તો  બેકરારી ,
કહેવી  છે   એક  વાત,  કહો  તો  બારણું  ખોલું.

તમે  અહીં  આજ  કુમકુમ  પગલાં  કરશો  તો,
'કાન્ત'-થશે  મુલાકાત,  કહો  તો બારણું ખોલું.
                             ***
-'કાન્ત'