ગીત 

મારી  કલમથી  કંઈક  તો  લખું,
માંહ્યલાને  પૂછી  લઉં   એકવાર.
શબ્દની  નજાકતને  ઓળખું,
ભરાણો  છે કવિતાનો  દરબાર.
ગીત-ગઝલ  દોડતા  આવશે,
ને  પછી  જોઈશ  હું  આરપાર !

કાફિયા -રદીફ  મને રોજ પજવે,
મંદાક્રાંતા-શિખરણીની  રાડારાડ
કહે,લખવું છે  તો  પામી લે 
અમારો અટપટો વિસ્તાર.
એ  ચમત્કૃતિ  લાવશે 
ને,પછી  જોઈશ  હું આરપાર !

મુશાયરાની  મહેફિલ  ચરમસીમાએ ,
'શબાબ ,વંચિત ,ખ્વાબ હાજર 
ઊછળે  શાયરીના  મોજાં ,
વાહ-વાહની  ભરી લીધી ગાગર
શાયરી  પૂર્ણતાને પામશે 
ને,પછી  જોઈશ  હું  આરપાર !

ગીતને  લહેરાવું  ઊંચા આકાશમાં,
પંખીના  ટહુકામાં  દઉં  હું  ઘાલી.
યમુનાના તીરે  કદંબ  હેઠળ 
વાંસળી  વગાડે  વનમાળી.
'કાન્ત ' પોતે  આલીકોર  આવશે 
ને પછી જોઇશ હું આરપાર !
                   ***
-કૃષ્ણકાંત ભાટિયા 'કાન્ત '