અગન ગોળા !
મલક પર ઊતર્યા છે અગન ગોળા ,
આભ ફાટ્યું છે, સૂરજ કાઢે છે ડોળા.
જન-જનાવર-જીવ ત્રસ્ત છે પ્રકોપથી,
સૂની ભાસે સીમ,ભટકે મૃગજળના ટોળા.
કાળભઠ તડકો તપે ને, તાપ વરસાવે,
ભાનુ રથના દોડે આજ સાતેસાત ઘોડા.
કાળી મસ્સ સડકો પર, પીગળે ડામર.
આશરો લેવા ભટકે છે,પંખીઓ ભોળા.
પાદર ગમગીન છે, ઓટલા સાવ ચૂપ,
રવિરાજ પડતા નથી બિલકુલ મોળા.
પવન પણ શીતળતા છોડી અંગ દઝાડે,
ગરમ ગરમ લહેરો ગાયે છે અહીં રોળા .
ખળખળાટ હસે ,કપાયા વગરના વૃક્ષો ,
માનવી ગણી લે તું ,મન ભરીને તોડા.
***
-કૃષ્ણકાંત ભાટિયા 'કાન્ત '
મલક પર ઊતર્યા છે અગન ગોળા ,
આભ ફાટ્યું છે, સૂરજ કાઢે છે ડોળા.
જન-જનાવર-જીવ ત્રસ્ત છે પ્રકોપથી,
સૂની ભાસે સીમ,ભટકે મૃગજળના ટોળા.
કાળભઠ તડકો તપે ને, તાપ વરસાવે,
ભાનુ રથના દોડે આજ સાતેસાત ઘોડા.
કાળી મસ્સ સડકો પર, પીગળે ડામર.
આશરો લેવા ભટકે છે,પંખીઓ ભોળા.
પાદર ગમગીન છે, ઓટલા સાવ ચૂપ,
રવિરાજ પડતા નથી બિલકુલ મોળા.
પવન પણ શીતળતા છોડી અંગ દઝાડે,
ગરમ ગરમ લહેરો ગાયે છે અહીં રોળા .
ખળખળાટ હસે ,કપાયા વગરના વૃક્ષો ,
માનવી ગણી લે તું ,મન ભરીને તોડા.
***
-કૃષ્ણકાંત ભાટિયા 'કાન્ત '
No comments:
Post a Comment