મોરારિ !
અહીં અખંડ ધૂણી ધખે નામની મોરારિ ,
સૌ કોઈ માળા જપે , રામની મોરારિ.
મલક છે આ મેકરણ ને ,લાધીબાઈનો ,
પ્રેમ વહે અવિરત અહીં મૈયાજી માઈનો.
પવન અહીં લખે ,કથા શ્યામની મોરારિ ,
સૌ કોઈ માળા જપે, રામની મોરારિ .
કચ્છડો છે કામણગારો , માણસાઈ દૂઝે,
તમારા જેવો તપસ્વી બધી વાતો બૂઝે .
રણ ને સાગર તપે, કૃપા ઘામની મોરારિ ,
સૌ કોઈ માળા જપે, રામની મોરારિ.
મંગલ દિન મંગલ ઘડી ,અમારે આંગણે ,
અમે દેવાદાર થઈ ગયા,તમારે માંગણે .
અમને હવે નહીં ખપે,કૃપા ગામની મોરારિ ,
સૌ કોઈ માળા જપે, રામની મોરારિ .
***
-કૃષ્ણકાંત ભાટિયા 'કાન્ત '
No comments:
Post a Comment