રંગ !

હે  માવડી  રંગ મને લાગ્યો   નવરાતનો ,
દુઃખ-દર્દ -કષ્ટો     એક   સાથે     ભાગશે.
                       રમશું  રાસ  સૌ  સાથમાં !
                                          0હે માવડી 
આરપાર  વીંધે  છે,  ગરબાની  આંખડી,
પહેરી લીધી પાયમાં  ભક્તિની ચાખડી..
                      વહેશુ  અમે રૂડી  રાતમાં !
                                         0હે માવડી 
ઝગમગ ઝગમગ જ્યોત માડી ઝગમગે,
આજ નવાં  પ્રાણ  ફૂંકાયા છે  એની સગે.
                    સમાયું બધું નવી ભાતમાં !
                                         0હે માવડી 
કામ ક્રોધ મોહ મદ  પજવે  છે  બંધનો,
માડી  દયાળુ  આજ  અરજ તમે  સુણો.
                   વાવ્યું અમે  સત વાતમાં !
                                       0હે માવડી 
'કાન્ત 'ની કામના ,પાય લાગે પ્રેમથી, 
છૂટી  ગયો છું માડી ,સઘળા  વહેમથી.
              લઈ  લ્યો મને  હવે બાથમાં !
                                      0હે માવડી 
                        ***
- ભાટિયા 'કાન્ત '