નોરતાં  !
                  (રાગ:સારંગ )

નવ  નવ નોરતાં આવ્યાં રળિયામણા ,
       જગદંબા   મા   માડી   રાસ   રમે  !
ઝગમગ ઝગમગ થાય મા ના દીવડા,
       ભક્તોની  આશ  માડી   પૂરી  કરે !
પાવા  તે ગઢમાં  અંબા મા ના બેસણાં ,
       તેજ    લિસોટો   મારી  આંખે  તરે  !
આઈ    આશાપુરા   કચ્છ   ધણિયાણી ,
        મા  ના   મઢમાં  પદયાત્રી  નમે !
નવ   દિવસના નોખાં  મા ના  રૂપ  છે.
         ભોજનિયાં   ભાવે   માડી   જમે !
નોબત  વાગે ,ને  દાંડી  પડે ઢોલ પર,
        ખેલૈયા   સૌ    એના  તાલે  ઝૂમે ! 
ધૂપ-સુગંધ    ફોરે    ચાચર    ચોકમાં,
        મા ની  આરાધના  કરીએ  અમે !
સંસ્કાર નગર     ભુજ  ગરબી ચોકમાં ,
       'કાન્ત ',દયાળુ  મા ને પાય પડે !
                       ***
-કૃષ્ણકાંત ભાટિયા 'કાન્ત '