ઝંખના !
સામે કિનારે જો ને નૌકા ખડી છે,
પાર ઊતરવાની અંતિમ ઘડી છે !
શ્વાસને સંકોરી તું શાંત થઈ જા,
વાયુની સાથે સાથે તું પણ વહી જા !
એષણાઓ પજવીને ઘોડે ચડી છે,
પાર ઊતરવાની અંતિમ ઘડી છે !
માલમુકુટને જીવ તું બાજુએ મૂકી દે,
આંખના આંસુને તારા હાથે લૂંછી લે !
પૂછી લે ખુદને, અહીં કોને કોની પડી છે ?
પાર ઊતરવાની અંતિમ ઘડી છે !
તનરંગ કાચો છે જાતાં વાર ન લાગે,
શાને તું આખો દિ 'રૂપ પાછળ ભાગે ?
ભરથરી -ગોપીચંદને આ વાતું નડી છે,
પાર ઊતરવાની અંતિમ ઘડી છે !
જાતરા જીવનની પૂરી થઈ છે આજે,
શાને તું અટકે છે ,પામર તન કાજે ?
ભીડેલા દ્વારોની ખુલી આજ કડી છે ,
પાર ઊતરવાની અંતિમ ઘડી છે !
***
-કૃષ્ણકાંત ભાટિયા 'કાન્ત '
સામે કિનારે જો ને નૌકા ખડી છે,
પાર ઊતરવાની અંતિમ ઘડી છે !
શ્વાસને સંકોરી તું શાંત થઈ જા,
વાયુની સાથે સાથે તું પણ વહી જા !
એષણાઓ પજવીને ઘોડે ચડી છે,
પાર ઊતરવાની અંતિમ ઘડી છે !
માલમુકુટને જીવ તું બાજુએ મૂકી દે,
આંખના આંસુને તારા હાથે લૂંછી લે !
પૂછી લે ખુદને, અહીં કોને કોની પડી છે ?
પાર ઊતરવાની અંતિમ ઘડી છે !
તનરંગ કાચો છે જાતાં વાર ન લાગે,
શાને તું આખો દિ 'રૂપ પાછળ ભાગે ?
ભરથરી -ગોપીચંદને આ વાતું નડી છે,
પાર ઊતરવાની અંતિમ ઘડી છે !
જાતરા જીવનની પૂરી થઈ છે આજે,
શાને તું અટકે છે ,પામર તન કાજે ?
ભીડેલા દ્વારોની ખુલી આજ કડી છે ,
પાર ઊતરવાની અંતિમ ઘડી છે !
***
-કૃષ્ણકાંત ભાટિયા 'કાન્ત '
No comments:
Post a Comment