સ્પર્શ  !

(અછાંદશ )

તારો  સ્પર્શ  રોમાંચિત  કરે છે મને 
રોમેરોમ  પુલકિત.
અલૌકિક  અનુભવ !
પૂછું  છું  હું અમાસના અંધકારને 
તું  કયારે  પામીશ  ચાંદનીનો  સ્પર્શ ?
ચંદ્ર  સાથે  શું તારે કિટ્ટા છે ?
જો  હું તો મારી  પ્રિયતમાને  સ્પર્શું  છું.
ગાઢ  અંધારામાંયે  એ  દેખાય છે મને.
કાળો  મેશ  અંધકાર  વિચલિત 
થઈ  જાય છે !
કહે છે , ચાંદની તો પેલે  કિનારે  છે 
હું આ કિનારે !
હું  કંઈ  માણસ  થોડો છું !
જે બે કિનારાને  જોડી શકે !
તું  તો  માણસ છે ને.....
હા.....હું  બે કિનારાને  જોડતો  સેતુ બનાવું છું ,
પણ  એ  સ્પર્શને પામવા માટે નહીં 
માત્ર  જડ  રસ્તાને  પામવા માટે !
                       ***
-કૃષ્ણકાંત ભાટિયા 'કાન્ત '
ભુજ-કચ્છ.મો.99090  71588