સારથિ  બની  જા !

મુજ  સારથી  બની  જા, કુરુક્ષેત્રમાં  લડી જા ,
સંવાદ મારે -તારે  કરવો ,ગીતા તું  કહી  જા !

વિષાદ  બહુ    પજવે, ગાત્રો  થયાં   શિથિલ,
ઉરની  ભૂમિકા  પરથી   હે નાથ  તું વહી  જા !

મનને ઘણી  છે  આડશ, તનને  ગર્વ  'હું 'નો,
વિશ્વાસ  મારો  માધવ, પાકો  હવે   કરી   જા !

ઉઠાવું  ગાંડિવ  ક્રિષ્ના , હો  સારથિ તું  મારો,
બળ-બુદ્ધિનું  કૌશલ ,ભરપૂર   હૈયે  ભરી  જા !

તારા  વિના  આ સંશય  દૂર કેમ  થાય મારો,
ટચલી આંગળીએ ગિરિધર ,વિશ્વ તું ધરી જા !

મારા-તારાનો  ભેદ , કાપુરુષ  મને   બનાવે,
વિરાટ  રૂપ   બતાવી ,   કાયરપણું  હરી  જા !

અહીં  રોજ ભટકાય  'કાંત ' માયાના મોહમાં, 
મધુસુદન   તું ,  કલ્કિ   અવતારમાં રમી જા !
                             ***
-કૃષ્ણકાંત 'ભાટિયા કાન્ત '
ભુજ-કચ્છ. મો. 99090  71588