ગીત  !

આજે  સઘળો  ઉજાસ  મારી  આંખમાં !
પાંખ    ફફડાવી   મેં    તો  આકાશમાં !

તારા  તે નામનો  તરી  લીધો  દરિયો,
મીઠા  તે  જળનો  ઘડો   મેં તો ભરિયો.

આજે    પકડાયા   પ્રીતમજી   બાથમાં,
પાંખ    ફફડાવી    મેં   તો   આકાશમાં !

વગડો  આ  ખૂંદયો  વ્હાલમની  સાથે,
હોંકારો  દઉં   છું ,  હું  સાજનની  વાતે.

આજે  ઉજાસ  ડોલે  મારી  તે  કાખમાં,
પાંખ    ફફડાવી   મેં   તો    આકાશમાં !

વરસતો  મેઘ તું, ચમકતી હું વીજળી,
ઘનઘોર   ઘટાની    છું     હું   વાદળી.

આજે    સમાયા   શ્વાસ  તારા શ્વાસમાં,
પાંખ   ફફડાવી    મેં   તો   આકાશમાં !
                         ***
-કૃષ્ણકાંત ભાટિયા 'કાન્ત '
ભુજ-કચ્છ. 99090  71588