કેર આય ?

કચ્છ     જી    પાડ   કઢે    વારો   કેર  આય ?
લીલા - લીલા  ઝાડ   વઢે  વારો  કેર આય ?

કો   મિણીકે નોંતરો  ડ્યો તા  હિન વખત મેં ?
ધોરા  લુગડ઼ા ને ,ધોરે  ઢગે  વારો કેર આય ?

ઉપકાર કે  કોરોના  સે  ન   જોખ્યો  મુંજા પે,
ભણલ  ગણલ ,નાની  સટે  વારો કેર આય ?

સુનણા  તો   પણ  ચાં   કીં ,  ધ્રા  પ્યો  લગે ,
પોપટ  વારેજી  પાઠ  પઢે  વારો  કેર આય ?

નિંઢો  કરે  ત  ગુનો, સમરથ  કે  લીલા  લેર,
નાણે  વારેં  જા , પગ  ચટે  વારો  કેર આય ?

વડા   વડા    ઇનીંજી   રાંધ  મેં  ભાગ  વિજેં ,
મુંજે વતન  કે  મિટ્ટી મેં  ડટે  વારો કેર આય ?

કોરોના અચે ન સામટો  હિત ,નેરીજા  ભલા,
'કાન્ત 'કે વિકી  વિધેં , ઉ પટેવારો કેર આય ?
                                ***
-કૃષ્ણકાંત ભાટિયા 'કાન્ત'









?