શું કરું ?

પ્રીત; બંધન  છે ,ખોલી  શું  કરું ?
સારા  સંબંધ  છે, તોડી   શું  કરું ?

શી  ખબર  કયારે  શું થશે અહીં,
શબ્દ  અનહદનો, ફોડી  શું  કરું ?

મને  પીડે   છે,  સૌ  પોતાનાજ,
માર્ગ  દલદલનો, દોડી  શું  કરું ?

મોતને   શરણે  જવામાં   મજા,
મંદિરે  જઈ  હાથ જોડી  શું કરું ?

એજ  તબલાં - ઢોલક  ને  નાદ,
બૂડવું   સૂરમાં,   હોડી   શું   કરું ?

શબ્દ પણ  સાચવી  લે  છે મને,
હવે લઈને   કાંખઘોડી શું   કરું ?

માલકોશ ,ભીમપલાસી  ગાજે,
ગાઈને  અહીં,  'તોડી ' શું  કરું ?
                   ***
-કૃષ્ણકાંત ભાટિયા 'કાન્ત '