ગરમાળો !

વગડામાં  મ્હોર્યો  છે  ગરમાળો  !
શ્વાસ  ભરાણા  છાતીમાં,
કોણે  વ્હોર્યો  છે ગરમાળો ?

ફાટફાટ   થાય ,વાસંતી  વાયરો,
અંગે-અંગ  ઊતરે ,ને ફરકે,
નદિયું  કહે તને  મારા  તે સમ,
શાને  ઓરો આવીને તું અટકે ?

ઘૂઘવે  છાતીમાં  ખાખરો ને લીમડો,
કોણે  ચોર્યો છે ગરમાળો ?

લાલચટક  બાંધણી ,
ભીતરે મઢ્યા  છે  મોતી ,
ઓઢીને  હોંશથી  સીમ  થઈ  પાગલ,
નજરુંના  રૂઆબથી  પોતે પોતાને જોતી !

ખોલીને પાથરે,પાથરીને ખોલે,
કોણે  સોર્યો  છે ગરમાળો ?

વગડાને  વીંધે  સૂરજ ,થઈને  લાલઘૂમ,
આથમણી  દશથી ,હડી  કાઢીને આવે,
ઓલી ,સાંજ  સોહામણી,
જરી વારમાં  મચાવે  બૂમા -બૂમ !

રંગ  સમાઈ  જાય, ફરકતી આંખુંમાં,
કોણે   દોર્યો   છે   ગરમાળો ?
                        ***
-કૃષ્ણકાંત ભાટિયા 'કાન્ત '