ફાગણિયો લહેરાય !
કેસૂડાની ડાળે ડાળે ફાગણિયો લહેરાય !
પક્ષીઓના માળે માળે ફાગણિયો લહેરાય !
સીમ પડી તી સૂની,આજે વરણાગી થઈ જાગી,
કોયલના ટહુકા પાછળ ,એ દોટ મૂકીને ભાગી.
મસ્ત પવનની હારે હારે ફાગણિયો લહેરાય !
પક્ષીઓના માળે માળે ફાગણિયો લહેરાય !
મસ્તીમાં છે મસ્ત ગગન,સરવર ઉછળે છોળ,
ભીતરના દરવાજા તું ઝટપટ ઝટપટ ખોલ.
બાવળિયાના ચાળે ચાળે ફાગણિયો લહેરાય !
પક્ષીઓના માળે માળે ફાગણિયો લહેરાય !
ફાગણની મસ્તી ને ફાગણની છે મોજમજા,
ઘરમાં બેસીને પાગલ, કાં દે તું ખુદને સજા ?
સરવરની તો પાળે પાળે ફાગણિયો લહેરાય,
પક્ષીઓના માળે માળે, ફાગણિયો લહેરાય !
***
-કૃષ્ણકાંત ભાટિયા 'કાન્ત '
કેસૂડાની ડાળે ડાળે ફાગણિયો લહેરાય !
પક્ષીઓના માળે માળે ફાગણિયો લહેરાય !
સીમ પડી તી સૂની,આજે વરણાગી થઈ જાગી,
કોયલના ટહુકા પાછળ ,એ દોટ મૂકીને ભાગી.
મસ્ત પવનની હારે હારે ફાગણિયો લહેરાય !
પક્ષીઓના માળે માળે ફાગણિયો લહેરાય !
મસ્તીમાં છે મસ્ત ગગન,સરવર ઉછળે છોળ,
ભીતરના દરવાજા તું ઝટપટ ઝટપટ ખોલ.
બાવળિયાના ચાળે ચાળે ફાગણિયો લહેરાય !
પક્ષીઓના માળે માળે ફાગણિયો લહેરાય !
ફાગણની મસ્તી ને ફાગણની છે મોજમજા,
ઘરમાં બેસીને પાગલ, કાં દે તું ખુદને સજા ?
સરવરની તો પાળે પાળે ફાગણિયો લહેરાય,
પક્ષીઓના માળે માળે, ફાગણિયો લહેરાય !
***
-કૃષ્ણકાંત ભાટિયા 'કાન્ત '
No comments:
Post a Comment