ચૂંટણી  !

આજે તો ચૂંટણીનું  ગીત  મારે ગાવું  જોઈએ,
વચનોને  ગાંઠે    બાંધી, મારે નહાવું જોઈએ.

પાંચ    વરસે   પધારી   છે    આ   રાજરાણી  ,
નેતાઓએ   આજે નતમસ્તક  થાવું  જોઈએ.

કેટલી   કિંમત  છે   મારા ,  એક  જ   મતની,
કમસેકમ  આજે  તો   મને સમજાવું  જોઈએ.

રાજગાદીએ  બેસનારા, ફૂટપાથ પર આવશે,
અસત્યમેવ જયતે ,આજે મને દેખાવું જોઈએ.

લોકશાહીમાં  હું સર્વોપરી   માત્ર એક દિવસ,
પછીના  પાંચ વરસ ,ખેતર  ખેડાવું  જોઈએ.

મારા જ  નામથી , મ્હાલે  છે  દેશના સેવકો,
એ ખાઈ શકે,એટલે મારે ઓછું ખાવું જોઈએ.

'કાન્ત 'ને  સમજે છે અહીં બધાં કવિ બિચારો,
પુષ્પો  નથી, શબ્દોથી સ્વાગત થાવું જોઈએ.
                               ***
-કૃષ્ણકાંત ભાટિયા 'કાન્ત '