ચૂંટણી 

ગાલગાગા , ગાલગાગા ,ગાલગાગા, ગાલગા 

ન્યાર    માડી   મોં    મથે   ખી  ખી  કરેતી ચૂંટણી ,
ઢોલ     ભેગી     માડુએંમેં     કીં    ગજેતી  ચૂંટણી  ?

વેં    ભલેં    તા  ચેર  તેં  હી , દેશ જા  હી  નેતાજી , 
સટ   કઢે   ને   ચૂસ   ડે તી ,  ને   ભજેતી  ચૂંટણી.   

આય નેતા  જો  હિ  શ્વાસ  ને  આશરેજો  મોભિયો,  
ફૂડ     કે     રાજી  રખે  તી  ને    નચેતી    ચૂંટણી.   

કીમતી  ને   લોકશાહી  જો   ભરોસો  આય  મત,
હકલ   પેતી   આસમાની , ને   સજેતી    ચૂંટણી .

'કાંત 'ચે તો  ધોડ  જા  મતદાર  મુંજી  ગઝલ જા ,
 મુલક  ગોતે   મુડસ   નેતા,  ને  અચેતી  ચૂંટણી.  
                                ***
-કૃષ્ણકાંત ભાટિયા 'કાન્ત '