મિચ્છામિ  દુક્કડ્મ  !

પ્રભુ ! મારું અંતઃકરણ  રહે સાફ,
                   મિચ્છામિ દુક્કડ્મ !
કરી  શકું  હું  સૌને દિલથી  માફ,
                  મિચ્છામિ  દુક્કડ્મ ! 
દ્વેષના  ઝેરથી  હૃદય મુક્ત રહે,
ભીતરે  સદા  પ્રેમની ગંગા વહે.
મળે,ફરી બચપણની  એ  કાંખ.
                 મિચ્છામિ  દુક્કડ્મ !
ચિત્તપ્રસન્નતા અને રહે સમાધિ,
પજવે નહીં અહીં કોઈને વ્યાધિ.
સ્થિર  પ્રતિષ્ઠામાં  જ મને રાખ.
                  મિચ્છામિ દુક્કડ્મ !
તિજોરી  પૈસાથી   નહીં  પરંતુ,
સંવેદનાથી  ભરપૂર  છલકાય,
બની  રહે  આ જગતમાં  સાખ,
                 મિચ્છામિ દુક્કડ્મ !
પ્રગટ થતા રહે,સદગુણો મારા,
માથું નમાવું ચરણોમાં તમારા.
પડે  નહીં  મનમાં  ઝેરી  માખ.
                 મિચ્છામિ દુક્કડ્મ !
                   ***
-'કાન્ત'





































;