ગઝલ 

આવે  છે  હવા  મતવાલી,ઉઘાડી રાખજો બારી,
ઊભો  છે  દ્વારે કો સવાલી ,ઉઘાડી રાખજો બારી.

ખુશાલીનો  વખત  છે,ગર્વિત છે ચાંદ -તારાઓ,
છેડે  છે  સરગમ  ક્વ્વાલી,ઉઘાડી રાખજો બારી. 

હતે  જો  હાથમાં કંઈ પણ, સમય છીનવી  લેતે,
ને મન બની બેસે મવાલી,ઉઘાડી રાખજો બારી.

પ્રકાશ પાલવમાં ભરી,અમાવસ્યા દોડતી આવે,
દિવડાની   છે   દિવાલી , ઉઘાડી  રાખજો બારી.

અમે  બીડું ઝડપ્યું છે,વાદળાં ને  વરસાવવાનું,
સરોવરમાં  કરશું  ખાલી, ઉઘાડી રાખજો બારી .

નથી ઉપાડવું વજન,મદ-મોહ-લોભ-મત્સરનો,
છોડી દેવી છે આ હમાલી,ઉઘાડી રાખજો બારી
                              ***
-'કાન્ત '