કયાં  રહીએ  ?

કહો ,કૉંક્રીટના  જં ગલમાં  અમે કયાં  રહીએ ?
આંગણું  છોડીને  તમારું,  અમે  કયાં  જઈએ ?

એક ગોખલું એ નથી ,વૈભવી  ઘરમાં તમારા,
માળો બાંધવા  માટે  અમારે શોધવા મિનારા ?

એક-વસમી સદીનો માર ,કયાં સુધી  સહીએ ?
આંગણું  છોડીને  તમારું , અમે કયાં   જઈએ ?

એક એક તણખલું  ભેગું કરીને થાકે  છે ચાંચ ,
વચન  આપો; અમારા વંશને ન આવે આંચ.

ચીં  ચીં  ચીં  ચીં   હવે   કોની    સાથે  ગઈએ ?
આંગણું   છોડીને  તમારું , અમે કયાં  જઈએ ?

અમારાં  ગીતો  કવિઓથી કેમ નથી રચાતાં ?
ચકીબાઈ,ચકીબાઈ બોલ કેમ નથી બોલાતાં ?

આખી   દુનિયાને  આજે અમારું દુઃખ  કહીએ,
આંગણું   છોડીને   તમારું ,અમે કયાં  જઈએ ?
                           ***
-કૃષ્ણકાંત ભાટિયા 'કાન્ત '