તાંડવ  કરો  !

નટરાજ   રાજ   તમે   તાંડવ  કરો !
સૃષ્ટિમાંથી    દાનવને   હવે   હણો !

ચોમેર  હાહાહાકાર  મચાવ્યો એણે ,
કરી ભસ્મ ,ભસ્માસુરને  તમે  લડો !

વિશ્વ પીડિત :રાક્ષસી  શક્તિઓથી,
ખપ્પર મહાકાળીનું ,રક્તથી  ભરો !

વેદના  પૃથ્વી તણી, શંભુ  છે ઘણી,
ત્રીજું નેત્ર ખોલી,પીડા ધરાની હરો.

મહાકાળ છો -દૈત્ય વિનાશક  તમે,
કૈલાશ છોડી - પૃથ્વી  પર વિચરો.

ગંભીર હાલત-માણસો ભયભીત, 
પ્રસન્ન થઈ ,ભોળાનાથ  અવતરો.

'કાન્ત'નો  પોકાર છે ,પ્રભુ તમને ,
કંઈ  ભૂલ થઈ  હોય  તો  વિસરો.
                     ***
-કૃષ્ણકાંત ભાટિયા 'કાન્ત '