ગીત  !

મુંકે  પનઘટ  તેં   નંદલાલ  મિલી  વ્યો રે,
મુંજે  ધિલ  મેં ,છિલો  છિલ  છિલી  વ્યો રે.

કકરી  મુંકે  મારેં ,  ભવોભવ  વ્હાલે  તારેં,
મુંજી  અખમેં   લાલો  કીં   ખિલી   વ્યો  રે.    
                                                    0મુંકે. 
સૂર  સેં  જાધુ    કરી,  હિયે  મેં  પ્રેમ ભરી,   
વ્હાલો  સુધ -બુધ    મિડ઼ે ,  ગિની  વ્યો રે.
                                                   0મુંકે.
બંસરી  વજયી   જડેં,સુર-નર આયા તડેં,
મુંકે   રૂરાયને   કાનો   મુંજો  સિરી વ્યો રે.
                                                  0મુંકે.
'કાન્ત 'જો આય સ્વામી ,હરિ અંતર્યામી ,
હુભ    સેં  લાલે જી ,  જીવ  તરી વ્યો  રે.
                                                 0મુંકે।.
                        ***
-કૃષ્ણકાંત ભાટિયા 'કાન્ત '