----------વૃક્ષોને વાવીએ -------
વૃક્ષોને વાવીએ ને વૃક્ષો જીવાડીયે ,
હાં રે ભેરુ કરીએ સૌ માનવકલ્યાણ !
વૃક્ષો તો છે ધરતીનું તન મન ધન,
સઘળું અર્પણ કરે આપણાં આ વન!
એને જો કાપશું ને એને જો બાળશું ,
હાં રે ભેરુ રહેશું શું આપણે આબાદ?
જંગલ જ આપે છે સુ-મંગલ જીવન,
વિધ-વિધ સંપદા ને સૃષ્ટિ આ સુંદર!
વનને ઉજાડશું ને વનને સંહારશું તો,
હાં રે ભેરુ કરશું શું આપણો વિનાશ ?
સોનાનો સુરજ ઉગાળશે જ આ વન,
ધરતીની કૂખને દીપાવશે આ જંગલ!
એનો પોકાર 'કાન્ત' એનો આ અવાજ,
હાં રે ભેરુ સાંભળીયે સૌ મળીને આજ!
-------------------------------------
-કૃષ્ણકાંત ભાટિયા 'કાન્ત'
--------------------------------------
No comments:
Post a Comment