માધુબાપા  !

મા   બોલી  કચ્છી  કે  જિરાયોં  માધુબાપા ! 
સબધેં  જો  અમરત    પિરાયોં  માધુબાપા !

ભાંખ   ફૂટે  ને  જાપ   જપિયેં  ઈ  કચ્છી જા ,
ઈ   આશક  વા  બાબીડી  બોલી સચ્ચી જા.

પિંઢ઼જે ખોરે મેં કચ્છી કે વેરાયોં માધુબાપા !
સબધેં   જો   અમરત  પિરાયોં  માધુબાપા ! 

સજી  જમાર  આશક રયા ઈ મા  બોલી જા , 
ચોંધા વા ભા, ધિલ  જા ધરવાજા ખોલી જા.

ભુજિયે નેં  ધીણોધર કે ડોલાયોં  માધુબાપા !
સબધેં   જો    અમરત  પિરાયોં  માધુબાપા ! 

માન   ઈનીજો  કચ્છી,ગાન  ઇનીજો કચ્છી,
ધોરે  રણ  જા  ચાહક,ભાષા ઇનીજી અચ્છી.

ધજા-પતાકા કચ્છી જિ  લ્હેરાયોં માધુબાપા !
સબધેં    જો  અમરત   પિરાયોં  માધુબાપા !
                             ***
-કૃષ્ણકાંત ભાટિયા 'કાન્ત '