ગીત  !

કોણ  જાણે  કેમ  જરાક  અમથી આ વાત,
              પનઘટના  ઓવારે  ગોટે  ચડી !
રંગ     ખીલ્યા     ઓઢણીના   લાલ ચટક ,
             ધબાક  દઈ ગાગર  કુવામાં પડી ! 

સીંચણિયું    હાલક  ડોલક  થાય  ને   ધ્રૂજે ,
            રસ્સી  પણ  ગોરીના  સ્પર્શને બ્રૂજે.
છલોછલ   ભરાય    પાણીને સંગ  ઓરતાં ,
             સંજીવની  જીવનની   અહીં  જડી !
                                                 0ધબાક 
ઝબક ઝબક  આંખમાં ,ઉભરાય ઉજાગરો,
           લીંબડાની ડાળે કા કા  કરે કાગડો.
સઇયરું પજવે  મુને, કરે પલક મીંચામણી,
           ધન્ય  ભાગ  મારા  ને ધન્ય  ઘડી !
                                                0ધબાક 
આભલાનો  મેઘ  પણ  આંખ   મને  મારે,
           ગર્જના કરીને એ  બોલાવે સવારે.
હાંફળી -ફાંફળી  -આમતેમ   જોઉં    અને ,
           આવીને  ઊભો  રહે એ  છાંટે ચડી !
                                              0 ધબાક 
દૂર-દૂર  મીટ  માંડી ,  મોર  કરે  કેકારવ,
            વાયરો મૂવો ,ખેંચે  મારો પાલવ.
'કાન્ત 'ને પોકારું ,ને ખંજન પડે ગાલમાં,
            જોડાય  એની સાથે સ્નેહની કડી !
                                               0ધબાક 
                          ***
-કૃષ્ણકાંત ભાટિયા 'કાન્ત '