નકલી  રાજકુંવર  !

સોણા  પ્યો  નેરે , નકલી  રાજકુંવર  !
ધુનિયા  કે   ઘેરે  ,નકલી  રાજકુંવર !

હક આય  કે નાંય , મુંજો નાથ  જાણે ,
તોય પાઘડી  પેરે,નકલી  રાજકુંવર.

ઈચિયારી  સેં   રાંધ   ખટે  નેં   ખિલે ,
ભલભલેં  કે   સેરે, નકલી  રાજકુંવર. 

ઉગેજે  પોરમેં ,હરખાજે  ફોટો  નેરી,
કિડાં  તોયે  ઠેરે ,  નકલી  રાજકુંવર.

કિત  વિનણુ -કો   વિનણુ  ન સમજે,
ઑચધો પુજે  કેરે ,નકલી  રાજકુંવર.

નાં  જો મહિમા, ડોલાય ઇનકે ભારી ,
ગાલિયેં   કે  વેરે, નકલી  રાજકુંવર.

વરે  નતો  હિ , ખમા વારિયોં  તોયે ,
'કાન્ત'  કે  ભેરે  , નકલી  રાજકુંવર.
                      ***.
-કૃષ્ણકાંત 'ભાટિયા 'કાન્ત'
(કવિ શ્રી પબુ ગઢવી જે કાવ તાં  પ્રતિ કાવ )