ગઝલ 

લગાગા,લગાગા,લગાગા,લગા 

અચોંતા  અસાંનું   અચાજે   નતો,
ઉભે પગ  કિતે પણ  ઉભાજે નતો.

ગંજો  તાં   વિછોડે  વખત કે  જડેં ,
ઉજારો - અંધારો   ડિસાજે   નતો.

ઉગૅજો  ખિલીને , છિલે તો અધા , 
સજો ડીં  ઇનીનું    છિલાજે  નતો.

ઉડૅ  તા  પખીડા  પિરો  જો  મિડ઼ે,
ડિસી  ને  પખી   કે  ઉડાજે  નતો.

ખિલે  તો -રુએ તો-ફિરે તો  ગુનૂં 
જુકો ચે  કિતે પણ ,વિસાજે નતો.

ધુકાઈ વિઠા  ઐ  ઘરેં  મેં    ઘુસી,
વખત  સેં  ઇનીનું  પુજાજે  નતો.

હલો પાં  વિચાર્યું , શરત કે  છડે ,
ઠલો  ઠાં  અનાં કીં  ભરાજે નતો ?
                    ***
-કૃષ્ણકાંત ભાટિયા 'કાન્ત '