**દિવાળી**

એક એ પણ દિવાળી હતી, 
એક આજની દિવાળી છે.

ત્યારે દીપનો પ્રકાશ હતો,
આજે વીજળીમાં રાત કાળી છે. 

અમારા બાપુજી કેટલાક ,
મીટર કાપડ લઈ આવતા। 

એમાંથીજ બધાંના કપડાં ,
સિવડાવતા !

હોંશે હોંશે અમે એ પહેરીને,
ભાઈબંધોને  બતાવતા !

આજે તો ઘરમાં જેટલા સભ્યો,
દરેકની પસંદગી અલભ્યો !

કોણ કોને પૂછે,હસે સૌ મૂછે ,
કોણ કોના આંસુ લૂંછે ???

ત્યારે અંતરનો ભાવ હતો,
આજે સંબંધોની વચ્ચે જાળી છે !

દિવાળીના દિવસે મા અમને,
પરોઢિયે  ઊંઘમાંથી જગાવતી.

પોતાના હાથે નવડાવતી,
પ્રભુનાં ચરણોમાં વંદન કરાવતી !

આજે તો 'happy new year '
અને 'good morning' ના 

સંબોધનોને પગે લાગવાનું ,
પ્રણામ કરવાનું  'old'લાગે છે.

અને એટલે જ મા -બાપ,
વૃદ્ધાશ્રમોમાં  ભાગે  છે !

ત્યારે ખિસ્સાં ખાલી હતાં ,
આજે  કુબેરોની રીત નિરાળી છે !

બાપુજી અમને સાઈકલ પર,
આગળ-પાછળની સીટ પર બેસાડીને 

આખા ગામની સેર કરાવતા,
ભૂખ લાગે તો ખારી સીંગ ખવડાવતા !

આજે તો 'પિઝા-મન્ચુરિયન-પાસ્તાએ ,
બંધ કરી દીધા ખીચડી ને ગોળના રાસ્તા !

ત્યારે આંગણાંનો ખાટલો સત્કારતો,
આજે ખુરશીઓ ડનલોપવાળી  છે !

લીંપણવાળા-દેશી નળિયાવાળા ,
ઘરમાં અમે હોંશથી દિવાળી મનાવતા.

માટીના કોળિયામાં દિવેલ પૂરી ,
અમાસના તમસને ભગાવતા !

પડવાની વહેલી સવારે ગામમાં નીકળી,
મા -બાપ -વડીલોને પગે લાગતા !

ત્યારે સૌનું સહિયારું હતું,
આજે તો હું મારા છોકરા ને ઘરવાળી છે !

આજે હું એક નગરવાસી છું ,
બંગલાનો નિવાસી છું !

બત્રીશ પકવાન સામે હોવા છતાં ,
કાયમનો ઉપવાસી છું !

એ દિવાળીએ હું ગોળનો કંસાર ખાતો ,
આજે મિઠાઈથી ભરેલો  box નથી ભાતો !

ત્યારે આંગણાંમાં દીવા બળતા ,
આજે  વાત 'કાન્ત' ને બાળવાવાળી છે !

                       ***
-'કાન્ત'