નથી  !

કોઈ  પર  અભાવ  રાખવો  એ મારો  સ્વભાવ  નથી,
ચાહું  છું  હું  મારી  જાતને  કોઈ  સાથે  લગાવ  નથી !

હુંજ   માલિક  હુંજ  આકા  વ્યર્થ  નથી  મારતો  ફાંકા,
મુજ પર હાવી થઈ જાય  એવો  કોઈ  પ્રભાવ  નથી !

સૂરજનાં  અજવાળાં  સામે  સજાવી  શકું   છું    શસ્ત્ર,
શશિયરનાં  શીતળ  કિરણોનો   હું      જવાબ  નથી !

મારા  ઉરમાં ,અણુયે  અણુમાં જાગે  છે   અંતર્યામી ,
કોઈ  નચાવે ને નર્તન કરું  એવો  હું  શબાબ  નથી !

અદનો  હું  આદમી  છું  આમ  આદમી  જ   રહીશ,
કોઈના દાંતોમાં અટકી જાઉં એવો  હું કબાબ નથી!

શકુનનું  સબરસ  વેચવા  નીકળું   હું   દિવાળીએ ,
સ્વમાની છું પણ અભિમાનીનો કોઈ રૂઆબ  નથી !

ખુદના  ભરોશે  હું  હાલું  છું  મારો  હાથ  જાલીને  ,
સુરભિનો  સૂરીલો  રબાબ છું  કોઈ નવાબ  નથી !
--------------------------------------------------------
-'કાન્ત'
============================