બહેના !

પ્રેમની મૂર્તિ  ઓ બહેના  ,તને બધું જ અર્પણ છે,

સર્વ    સંબંધોમાં   તારું ,  અદભુત  સમર્પણ   છે.

અગર  લખું  સ્નેહથી ભીની , કહું લાગણી મારી,

ખુદને નિરખવા માટે, તું એક જ ખુલ્લું દર્પણ છે.

હતી  તું  નાની  મારાથી, લાડ  તુજને  લડાવ્યાં ,

એ સપનાં ,એ રમતો, એ આંગણું બધું તર્પણ છે.

સૂતરના તાંતણે બાંધે આજ  પણ  તારા ભાઈને,

હતું  બચપણ , ગઈ જવાની , આવ્યું ઘડપણ છે.

નથી કદી કશું  માગ્યું,  કુશળતા ચાહી વીરા ની ,

તેથી  જગતમાં ભાઈ-બહેનનું સાચું સગપણ છે.

                               ***

-'કાન્ત'